Dataverse heldur utan um viðskiptagögn, tengsl þeirra og aðgangsheimildir. Það er grunnur margra Dynamics 365-lausna en nýtist líka fyrir sérsniðin viðskiptaforrit án Dynamics 365. Power Platform tengir gögnin við öpp, sjálfvirkni og yfirsýn. Gervigreind er valkostur, ekki forsenda.
Sameiginlegt gagnalíkan, öryggishlutverk og viðskiptareglur. Við skilgreinum hvað á að skrá, hver má sjá og breyta því og hvaða breytingar þarf að rekja. Dataverse MCP getur tengt samþykkta gervigreindarbiðlara við gögn og verkfæri. Aðgangur fer eftir auðkenningu og heimildum; leyfi, gagnaleiðir og möguleg notkunargjöld eru metin áður en tenging er opnuð.
Sérsniðin öpp fyrir ferli sem passa ekki í stöðluð form, á síma, í Teams eða í vafra. Við smíðum þau eða kennum ykkur, með áherslu á notagildi, aðgangsheimildir og viðhald. Öpp sem verða til með aðstoð Copilot þurfa sömu yfirferð og önnur öpp.
Sjálfvirkni milli kerfa: samþykktir, tilkynningar og skjalagerð. Skýr regla þarf oft ekkert gervigreindarlíkan. Tenging við staðbundin kerfi er metin út frá gáttum, aðgangi og rekstrarkröfum.
Ytri vefir tengdir Dataverse: þjónustugáttir, umsóknir og sjálfsafgreiðsla. Við skilgreinum aðgang ytri notenda að gögnum og metum innskráningu með Entra eða samþættingu við íslensk rafræn skilríki. Leyfi og þjónustusamningar ráðast af útfærslu.
Mælaborð ofan á Dataverse og öðrum gögnum. Rétt gögn á réttum tíma, ekki 40 skýrslur sem enginn opnar.
Þjóðskrá, bókhaldskerfi, hleðslukerfi, greiðslulausnir, Azure API Management. Við tengjum það sem þarf að tala saman – með C# þegar það á við.
Viðbætur (plugins) og PCF-controls í Dataverse, Azure Functions, .NET-þjónustur, síður og útgáfustýringar. Við aðskiljum þróun, prófanir og rekstur.
30 mínútur þar sem við hlustum, spyrjum og segjum þér hreint út hvort og hvernig við getum hjálpað.
